.

.

.

السلام عليكم ..

من زمااان ما كتبت شي في مدونتي

وبما ان راسي من امس ماسكه صداع يهودي قررت اكتب بمدونتي   

بقولكم وش اكثر الاشياء اللي اكرهها بحياتي

اول شي / 

اكـره السكر الناعم بشده

اذا شفت السكر الناعم احس كل جسمي يتكهرب 

وشعري يوقف 

واذا كان على قصدير او اي شي حديد 

توصل الحاله للاصابه بصداع حقير

في بداية الاجازه اللي خلصت  

كان فيه عزيمه عند ريما 

ورحت لها وكانوا حاطين معمول ومو حاطين شوي سكر ناعم 

لا حاطين طعوس سكر ناعم

 فكل ما مروا عليه بالصينيه اغمض عييوني 

ما ودي اشوفه ويصير فيلم هناك  

 فجا خالد ولد اخت ريما وقعد قدامي وبيده معمول عليه طعس سكر ناعم 

وقاعد يلحس السكر وشكله كان مستمتع فيه ..

انا جاني شعور قوي ان ودي اشوته وابعده عن وجهي

بس الحمد لله قام من نفسه

ثاني شي / 

ما احب الصيف ولا احب الحر

 عدوي اللدود بالحياة الصيف .. 

اذا جا الصيف دايم اصير معصبه 

دايم راسي مصدع

يا ربي لا تعاقبني بس ما اتحمل الحر ابببببد 

لدرجة ان الشتاء اللي راح ماكان برد مره 

كنت دايم اشغل المكيف البارد

واستمتع بحياتي

وهذا كل اللي عندي

 يالله برب بروح انام يمكن يطس الصداع

.

.

.