السلام عليكم ..

اشتقت لمدونتي مررررررررره    

حسبي الله عليكم يالـ STC

الا على طاري الـ STC

من هذا المنبر .. من مدونتي العزيزه ..

اتقدم بخالص الشكر والتقدير لابن عمتي المملوح ( عيـن السـيح )..

على جهوده الجباره لرجوع النت عندنا

والله يجزاك خير رجعت لي روحي مع رجعة النت لنا

يوم خرب النت عندنا ,, من قوة الطفش قمت اسوي اشياء ما كنت اهتم فيها مره

صرت ارتب غرفتي وانام بدري ..

لدرجة اني صرت اشوف مسلسلات كوريه ويابانيه

عاد جا يوم وطاحت الكاميرا بيدي ..

قلت وراك يا ساره ما تسوين نفسك محترفه وتصورين لك شي ..

يمكن ربي يفتحها بوجهك وتصيرين تنافسين الفنتوخ وناصر وهالشله

وانا اقوم احوس بغرفتي ادور شي اصوره .. وتطيح بيديني روايات سعود الشعلان

<==  يا عزتي لروايات سعود هي دايم اللي تصير بوجة المدفع

المهم واتشكتك كم صوره .. وما طلع معي صوره حليوه الا هذي

وبعد كم يوم بعد ما خلصت مسلسل كوري زي كونان وتسذا ..

قررت ارتب غرفتي واشيل قراشيعي اللي ع التسريحه

وانا ارتب جمعت كل مناكيري وصورتها

عاد وريت مها الصوره ..

قالت لي " بالله كم لون متكرر عندك"

وبس