.

.

.

احم احم

بتكلم عن نفسي شوي ..

اسمي ساره ..

عمري 19 سنه وامشي بـ 20

تخرجت من الثانوي وجربت ادرس بالكليه .. تخصص تاريخ

بس للاسف ما مشيت .. والحين ادرس معهد حاسب والحمد لله ماشيه فيه ..

ودي اتكلم لكم شوي عن صديقاتي الصدوقات ..

انا عندي 3 صديقات .. لا لا مو صديقات خوات واكثر من خوات ..

طبعا كلهم بمنزله وحده .. ما فيه ولا وحده اغلى من الثانيه

علشان كذا رح اتكلم عنهم بالكبر ..

اول وحده ..

.. مـهـآ..

هذي مها بنت عمتي ..

هالبنت مرررررره قريبه مني ..

اقدر اقولكم انها قدوتي بالحياة ..

لاني اعرف انها ما تسوي شي الا وهي واثقه منه..

الاشياء اللي تعجبني فيها ..

كثيييييييير اشياء تعجبني بمها مثل :

انها بنت تحب الضحك والوناسه ..

وما تعصب بسرعه .. وصبور وبالها طويل .

مها جاها فتره بالصييف قعدت عندنا طول الصيف ..

وكان وناااااااااااسه وناااااااااااااااااااسه بكل ما تحتويه الكلمه من معنى ..

مها انسانه قلبها مررره طيب ..

ما تزعل احد اببببد ..

والغبي اللي يزعل منها ..

لانه بيخسر شي كبير .

الله يوفقك يا مها ويرزقك على قد نيتك ..

.. الجـوهـره ..

هذي جوهره بنت عمي ..

تدرون وش يعني املح من وطى ع الارض ..

فيها ملح مو طبييعي ..

اكثر انسااااانه بالدنيا تضحكني ..

البنت قاعده ساكته عاااااادي .. بس اطالع بوجهها اضحك

سبحان الله وجهها يشرح الصدر وتوسع الصدر مرررره ..

الاشياء اللي تعجبني بالجوهره..

انها بسرعه تدخل بالجو ..

ذباتها حلوووه وتضحك ..

دايم دايم ودي اغولها ..

وما شاء الله حرمة بيت.. هي اللي ماسكه بيتهم

سنعه وراعية كرف يالبا قلبها ..

شي يقهرني بجوهره..

انها اذا تضايقت مستحييييييل تتكلم ..

ومن كثر ما هي كتومه .. مها مسميتها (( الصمت الرهيب ))

ويا حلوها اذا روووووووقت

الله يوفقك يا جوهره .. ويرزقك على قد نيتك

عاد نجي لاخر العنقود ..

آآآقصد لاخر واحسن بنت بالعالم ..

.. ريــمآ ..

هذي ريما صديقتي من الطفوله ..

درست انا وياها من اول ابتدائي لين تخرجنا من الثانوي ..

من اول ابتدائي الى ثالث ثانوي .. لازم بالفصل نكون جنب بعض ..

انسانه وسييييعة صدر بشكل رهيييب ..

كل من شافها حبها ..

سبحان الله صح انا وريما ما نتفق باشياء كثيره ..

ودايم نتناقر ونذب على بعض ..

بس اني احبها حب مو طبيعي ..

طبعا هي من عشاق الهلال السعودي ..

وتعشق شعر القلطه .. وخلوها وهالخرابيط

<== عز الله انجلدت عقب هالكلمه ..

يوووووه لو احكي عن ريما يمكن اقعد الى بكره وانا ما خلصت

الله يوفقك ياريما .. ويحقق لك كل اللي تتمنينه

* زي ما قلت في احد التدوينات .. الشخص اللي احبه ما اقدر اعبر عنه تعبير حلو

.

.

.