ودي اكتب حتسي واجد

بس ما اقدر قاعده اكتب بيد وحده

طبعا تقولون ليه اكتب بيد وحده ؟؟

<<ما احد درى عنك

هذا سلمكم الله امس كنت نايمه نومه عميييقه جدا

فجأة اثرني مطبحه من السرير ع الارض

وطحت على يدي اليسار وصارت تعورني

المهم اكلت مسكن ورحت للمعهد لان عندي اختبار ..

وانا ارقى درج المعهد وطيت عباتي وسلمت ع الارض .. وكانت يدي المسكينه هي الضحيه بكل الحالتين

عاد اليوم قعدت استذكر ايام الكسور

انا انسااانه حطمت الرقم القياسي بالكسور

يعني يدي اليمين انكسرت 4 مرات ..

ويدي اليسار 4 مرات بعد واتوقع هذي الخامسه

وكل كسوري من اشياء تافهه جدا

مره كنت بسادس ابتدائي .. طحت من سرير انكسرت يدي ورجلي ..

لا وكسر يدي مو اي كسر .. العظم نقز ع العظم ..

اذكر كان يوم الاحد .. كنا راجعين من بيت جدي ..

كنا في بيتنا القديم وكنت انام مع اخواني ..

يوم طحت اترجى عبدالله اخوي يقوم ينادي امي .. ما يرد ابد ابد ابد

اخر شي قعدت انادي واصارخ لين جتني الشغاله وقومتني وحطتني على سريري .. بس ماش ما ارتحت نادوا لي امي ..

يوم جتني امي اثر يدي متورمه وصايره وش كبرها

قومت وابوي وودوني للمستشفى .. اذكر ان الدكتور جر يدي جره شنيعه جدا

بس مع ذلك ما صرخت بقوه بس قعدت ابكي شوي شوي

ومره في ثاني ابتدائي .. طيحني اخوي اللي اصغر مني بالشارع وانكسرت

ومره طحت من طاولة المطبخ

ومره كنت بثاني ثانوي هههههههههههههههههههههههههههههه هه

كنا في المدرسه .. وكنا قاعدين بالفسحه ..

وكان معنا وحده من البنات تخاف من الحشرات بشكل غير طبيعي ..

المهم قدر الله وجانا قعس ..

والبنت تصارخ وتنقز بحضني وتعفط يدي

وانكسرت يدي للاسف

عاد يوم شافتني البنت من بكره بغت تموت

وهذي ابرز سوالفي مع الكسور

<< هذا وانتي تكتبين بيد وحده وكتبتي كل هالحتسي لو يدينك الثنتين وش بتكتبين